Heildarnámsleið
Heildarnámsleiðin sameinar Námskeið 1 og 2 í þremur verklegum vinnulotum, samtals 10,5 klukkustundum. Þú lærir fyrst að vinna markvisst með gervigreind og síðan að fela henni stærri verkefni og stýra vinnunni.
Á Námskeiði 1 æfirðu að gefa skýrar leiðbeiningar, veita samhengi og bæta niðurstöður með samtali og endurgjöf. Á Námskeiði 2 byggirðu á þeirri færni og lærir að setja upp og stýra eigin AI-agentum, gervigreindaraðstoðarmönnum sem vinna verkefni í mörgum skrefum undir þinni leiðsögn.
Þú færð grunnuppsetningu fyrir eigin aðstoðarmenn og æfir að skilgreina hlutverk, skipta verkum og yfirfara niðurstöður. Í Námskeiði 2 notarðu annaðhvort Codex eða Claude Cowork. Þú velur annað verkfærið og þarft ekki að hafa aðgang að báðum. Engin forritunarkunnátta er nauðsynleg.
NÁMSLEIÐIN
Fyrst lærirðu að móta gagnlegar niðurstöður með gervigreind. Síðan nýtirðu þá færni til að fela AI-agentum verkefni og stýra vinnu þeirra.
Námskeið 1
Þú æfir að útskýra verkefni, gefa viðeigandi samhengi og þróa niðurstöður með samtali. Þú lærir að meta svörin og beita eigin þekkingu og dómgreind.
Námskeið 2
Þú setur upp eigin aðstoðarmenn og gefur þeim samhengi og vinnureglur. Þú æfir að fela þeim verkefni í mörgum skrefum og samræma vinnu þeirra.
AFRAKSTUR
Að námsleiðinni lokinni hefurðu lært að eiga markviss samskipti við gervigreind, búa til eigin AI-agenta og stýra vinnu þeirra. Þú hefur æft að útskýra verkefni, gefa samhengi, yfirfara niðurstöður og leiðbeina þegar vinnan þarf að taka aðra stefnu. Með þeirri reynslu og gögnunum sem þú færð með þér geturðu haldið áfram að prófa, læra og þróa eigin aðstoðarmenn og vinnulag.
Fyrir hverja
Heildarnámsleiðin hentar þér ef þú vilt byggja upp færni í skýrum skrefum, frá gagnlegu samtali við gervigreind yfir í að fela agentum verkefni og stýra vinnu þeirra.
LEIÐBEINANDI
Tölvunarfræðingur og stofnandi BrainBox
Stefán Gunnarsson er tölvunarfræðingur frá Háskólanum í Reykjavík og hefur yfir áratugar reynslu sem frumkvöðull og stjórnandi í tæknigeiranum. Hann hefur víðtæka reynslu af því að nýta og innleiða gervigreind markvisst í vinnuumhverfi og kennir út frá raunverulegum verkefnum og eigin reynslu.
Spurt og svarað
Það er kostur að hafa prófað að spjalla við gervigreind, en þú þarft ekki tæknilega sérþekkingu. Á Námskeiði 1 lærirðu að gefa skýrar leiðbeiningar, veita samhengi og þróa niðurstöður með samtali. Algjör byrjandi getur fylgt kennslunni, en námskeiðið nýtist líka þeim sem hafa prófað gervigreind og vilja vinna markvissar með hana.
Já. Námskeið 1 stendur sjálfstætt og hægt er að taka Námskeið 2 sérstaklega ef þú hefur sambærilegan grunn. Með heildarnámsleiðinni byggirðu áfram á færninni úr Námskeiði 1 í næstu tveimur vinnulotum og færð jafnframt afslátt af samanlögðu verði námskeiðanna.
AI-agent er gervigreindaraðstoðarmaður sem getur unnið verkefni í mörgum skrefum og nýtt skrár eða verkfæri sem þú veitir honum aðgang að. Þú gefur honum markmið, samhengi og leiðbeiningar, yfirferð niðurstöður og stýrir framhaldinu. Á Námskeiði 2 æfirðu einnig að láta agenta með ólík hlutverk vinna saman. Agentar geta gert mistök, svo yfirferð og eigin dómgreind eru mikilvægur hluti af vinnulaginu.
Í Námskeiði 2 notarðu annaðhvort Codex frá OpenAI, fyrirtækinu á bak við ChatGPT, eða Claude Cowork frá Anthropic. Þú velur annað verkfærið og þarft ekki að hafa aðgang að báðum. Þessi verkfæri gera þér kleift að vinna með AI-agentum, skrár og tengd verkfæri undir þinni leiðsögn. Viðmót og einstök skref geta verið ólík, en áherslan er á vinnubrögðin sem þú lærir.
Fyrir verklega þátttöku þarftu fartölvu með Codex eða Claude Cowork og virkan aðgang að verkfærinu sem þú velur. Fyrir námskeiðið færðu uppsetningarleiðbeiningar og upplýsingar um undirbúning. Prófaðu aðganginn fyrir tímann. Ef þú notar vinnutölvu skaltu einnig kanna hvort vinnustaðurinn heimili verkfærið og vinnu með viðeigandi skrár og tengingar.
Ekki ef núverandi aðgangur þinn veitir þér aðgang að Codex. Þú þarft ekki að vera með bæði Codex og Claude Cowork til að taka þátt í Námskeiði 2. Aðgangur að eiginleikum og notkunarmörk fara eftir áskriftinni þinni. Fyrir námskeiðið færðu leiðbeiningar til að kanna og prófa aðganginn.
Já, ef reglur og aðgangsstýringar vinnustaðarins leyfa verkfærin sem þú ætlar að nota. Fyrir Námskeið 2 þarf tölvan að geta keyrt Codex eða Claude Cowork og leyft vinnu með viðeigandi skrár og möppur. Tenging við vinnupóst eða önnur vinnukerfi þarf einnig að vera heimil. Kannaðu þetta fyrirfram hjá vinnustaðnum; eigin fartölva getur verið einfaldari kostur ef vinnutölvan er læst.
Já. Aðferðirnar við að útskýra verkefni, gefa samhengi, móta leiðbeiningar og yfirfara niðurstöður nýtast víða. Möguleikar á að vinna með skrár, tengjast forritum og samræma vinnu agenta eru þó mismunandi eftir verkfærum og aðgangi. Þú gætir því þurft að laga einstök skref að verkfærum vinnustaðarins. Fyrir verklegar æfingar í Námskeiði 2 notarðu Codex eða Claude Cowork.
Nei. Þú stýrir vinnunni með samtali og leiðbeiningum á venjulegu máli. Áherslan er á að útskýra hvað þú vilt fá fram, gefa viðeigandi samhengi og meta niðurstöðurnar. Þú færð leiðsögn við uppsetningu og verklegar æfingar.
Já. Eftir hvora vinnulotu færðu heimaverkefni til að æfa það sem þú hefur lært. Milli tímanna prófarðu vinnubrögðin og tekur eftir því hvað gengur vel, hvar þú festist og hvaða spurningar vakna. Að loknum seinni tímanum færðu einnig hefti með hugmyndum að næstu skrefum svo þú getir haldið áfram á eigin spýtur.
Já. Þú færð kennslugögn og skírteini eftir hvort námskeið sem þú lýkur. Í Námskeiði 2 færðu einnig grunnuppsetningu fyrir eigin aðstoðarmenn, heimaverkefni eftir hvora vinnulotu og hefti með hugmyndum að næstu skrefum.
Námskeiðin fara fram á staðnum nema annað sé sérstaklega tekið fram. Ef þú ert hluti af hópi sem hefur áhuga á fjarnámskeiði, til dæmis frá vinnustað eða félagi, hafðu endilega samband. Við getum skoðað að setja upp sérstakt fjarnámskeið fyrir hópinn. Hafa samband
Reglur og fjárhæðir eru mismunandi eftir menntasjóðum stéttarfélaga. Við aðstoðum þig gjarnan við að kanna réttinn þinn. Sendu okkur tölvupóst með nafni stéttarfélagsins þíns. Hafa samband
Heildarnámsleiðin kostar 84.900 kr. Samanlagt verð Námskeiðs 1 og Námskeiðs 2 er 94.800 kr., þannig að þú sparar 9.900 kr. eða rúmlega 10%.
